先苦後甘甜的生日

早兩日知道公司將有新產品生產,而我也因此要連續兩晚當夜班,仲要踩住我生日果晚(工作時間係1900-0700).我心都一直諗,生日都要返工本來無所謂,不過要日夜顛倒就......再諗......生日又如何?都過左三十有多嘅生日啦!特別慶祝...唔需要啦!喺公司過零時零分已經夠晒特別啦!雖然心裏敢諗,但我卻不由自主地只帶着無心戀戰嘅矛盾心態返工!

當我工作到接近零時零分嘅時後,聽到有人用公司嘅廣播系统講:"Attention Please Attention Please"初初只想,公司嘅夜更同事正在測試消防系统,點知".....Attention Please, But Chi Kit, Happy Birth Day.請各位注意,請各位注意,畢子傑,生日快樂"!嘩嘩嘩...(定一定神)...從來無人同我講生日快樂係咁大聲嫁!仲搞到全廠人(10個人)都知道我生日.再加上收到一位好朋友嘅親切短訊!真有雪中送炭之快感!夠晒特別,已夠開心啦!

收工,返家,大睡一場,才只不過早上11點多.但再多睡的話,原本嘅睡眠時鐘就難以調節回來!加上有怎多嘅團契事務要處理.把心一橫,起牀,食個午飯,開始做野!由屋企做團契事務,做到去"道聲"揾週目資枓,再返到教會處理資枓,又再處理團契事務,又又再再安排團契週目...之制...三位可愛姊妹同朱牧突然在我背後大叫"SURPRISE!"佢地手拿着點有一支蠟燭嘅自製Cheese Cake,隨即唱生日歌比我聽.朱牧唱到好興奮,好大聲呀!花左半分鐘嘅時間許願,然後吹蠟燭同切蛋糕!勁!勁!勁!開心,勁!勁!勁!感動.多謝妳地三個嘅安排同時間嘅付出,個Cheese Cake好好味呀!朱牧~唔好意思呀,有兩位人兄令到你食唔倒個Cheese Cake添!特別嗚謝~甘仔!哈哈哈!

接往係團契時間,團契完結!馬上趕到爸媽家,全家一齊打邊爐同我慶祝.我同一歲零五個月嘅外生仔玩,今日係我第一次聽佢講單字,好得意好可愛呀!成長得好快好健康!不過有D百厭!有第二個生日蛋糕食呀!我再許願,今次個願講得...願每一位家人都身體健康!快快樂樂!又再吹蠟燭同切蛋糕!食完個蛋糕之後覺得勁!勁!勁!滿足...包括肚皮上嘅滿足,加上開心嘅滿足!

今年生日真係過得好特別好開心呀!Thanks God! You gave me a great Family and a happy Church life!